Spørsmål
Studielivet gir meg angst. Alle sa dette skulle bli mine fineste år, men jeg føler helt ærlig at det er det motsatte. Å tre inne på skolen stresser meg. Forelsninger føles som et gjentagende helvete og kollokvier er bare stress Så jeg unngår dem. Om jeg møter noen jeg har forelesninger med liker jeg å sette øretelefonene på maks slik at jeg ikke får innsikf I hvordan skole live kunne vært om jeg ikke hater det så veldig. Disse tankende fører til at jeg henger meg opp I alle fysiske symptomer på sykdom. Jeg har vært 5 ganger hos legen og 8 ganger hoss tannlegen hvor jeg alle ganger har fått beskjed om at ingenting feiler meg, me jeg vet det er noe. Jeg skroller times vis på telefonen og min nyeste oppheng er om det qer ventilasjonen som lager lyd eller om jeg har tinnitus. Glemte at jeg må ta en ibux paracet vær gang jeg har eksamen. Det var mye, hva skal jeg gjøre eller bedre er det noe jeg bør kutte ned på før jeg går på en smell?
Psykolog svarer
Som student blir man bombardert med ulike versjonar av at studietida er den beste tida i livet: Sosiale media er fylt opp av gladhistorier, ein blir forsøkt verva til ulike studentforeiningar med meir eller mindre direkte beskjed om at dette vil vere fantastisk, og det blir fortalt rørande historier om korleis folk møter kjærasten sin i studietida.
Samtidig veit vi godt at dette er kun ei side av saka. Undersøkingar, som f.eks. SHoT-undersøkinga, tyder på at i alle fall 30% av studentar synast dei har under gjennomsnittleg livskvalitet. Ca 40% rapporterer om psykiske plager. For mange er altså studietida ei skikkeleg utfordrande tid. Du er med andre ord ikkje aleine!
Eg har i mange år jobba som psykolog for studentar, og eg har etterkvart sett mange eksempel på at folk studerer "av gammel vane". Studia blir da fort berre eit ork. Her er eit par viktige ting å tenke som studerande:
- Ønskjer eg å studere? Mange studerer fordi dei tenkjer at det er det einaste riktige. Mi er faring er at nokon studentar blir lukkelegare når dei bestemmer seg for å avslutte studia og heller jobbe.
- Studerer eg det som eg ønskjer å studere? Mange velger studie på bakgrunn av kva andre, som f.eks. foreldre, synast ein skal studere. Gjeld dette deg? Det er vanskeleg å trivast med noko ein eigentleg ikkje har lyst til.
- Ønskjer eg å studere meir? Mange som har teke f.eks. ein bachelor tenkjer at ein må gå vidare på ein master. Mange eg har snakka med trivast ikkje med å skrive master, og har det betre med ein jobb som er basert på ei bachelorutdanning.
Du skildrar også at du har plagsomme symptom, både i kropp, tenner og i hørsla. Du har vore til ei rekkje utreiingar utan at det har blitt avdekka noko galt. Smerter i kropp, smerter i tenner og kjeve, og øyresus er vanlege stressymptom. Det høyrast ut som at kroppen din prøver å fortelje deg at noko ikkje er som det skal. Det er fint at du har fått sjekka det kroppslege, det er viktig. Men kanskje vil det vere nyttig for deg å stoppe litt opp og finne ut kva som skal til for at du skal ha det bra?
Mange synast det er nyttig å finne nokon å snakke med når ein har det slik som du. Kanskje har du vennar eller familie som kan vere sparringspartnarar for deg? Om ikkje finnast det fleire moglegheiter, om du er interessert. Under ser du ei liste av tilbod der du kan snakke med nokon anonymt. Den lokale studentsamskipnaden din har også erfarne rådgjevarar, helsesjukepleiarar og behandlarar som er vande å snakke om slike utfordringar som du står i.
Mental Helse: 116 123 (hele døgnet)
Kirkens SOS: 22 40 00 40
Chat med Kirkens SOS hver dag fra 18.30-22.30 (fredag frem til 01.30)
Studenttelefonen: 116 123 (tast 3) (Alle dager fra kl 16.00 til kl 06.00)
Eg har også lagt ved eit par artiklar som kan vere nyttige for deg.
Masse lukke til!
Venleg helsing frå psykologen